Ta gamle dampen frå Bryggen i Bergen til Hosanger, der du kan oppleva utstillingsopning, performance, konsertar, mat og foredrag. Båten går frå Dreggekaien ved Bryggen kl. 09:30

Obs! Kun 99 billettar

For å gjera det enkelt for folk å koma seg frå Bergen og Arna til Hosanger og tilbake, blir det sett opp bussar mellom Arna Terminal og Hosanger på dagtid, og frå Hosanger til Bergen etter siste kveldskonsert.

Me oppmodar alle som kan til å nytta seg av DS Oster, festivalbussane og eksisterande kollektivtilbod der det er mogleg. For dei som likevel kjem i bil, blir det parkering etter anvisning frå festivalens parkeringsvaktar, anten ved Mjøs Metall, kyrkja eller ved Norlender.

I år legg me ikkje opp til nokon organisert festivalcamp. Vil du liggja i telt, må du forholda deg til reglane for allemannsretten.

Er du tidleg ute, kan du sikra deg plass i gjestehamna ved Mjøsvågen Landhandleri.

Har du lyst til å bu i bilen, kan du ta konstakt med Mjøsvågen Bobilcamp.

Omkransa av fjord og fjell kan Fjordslottet invitera til ei personleg og heimekosleg hotelloppleving med heimelaga mat, god drikke, kvite dukar og levande lys i våre intime stover, selskapslokale eller restaurant. På Fjordslottet kan du finna ro for kropp og sjel, nyta eit opphald åleine eller samen med familie, gode vener eller kollegaer. Ca. 6 km frå Hosanger.

Enkel og grei overnatting i Lonevåg sentrum.

Gangavstand frå Lonevåg Termial, og ca 8 km frå Hosanger.

Sjekk om det finst noko ledig på AirBnb i området.